الحلقة الاولى من مسحراتى الساعة 25
يكتبها الشاعر : محمد عبد القوى حسن
* * *
فى الساعة 25
معادنا كل يوم
نسحر المسلمين
ونسعد معاهم دوم
مسحراتى الوطن
جاى اصحيكم
يرجع حمام السكن
تانى لاراضيكم
وف مفتتح رمضان
ادعى للرحمن
ينصر رجال شجعان
فى الثورة سوريين
هايرجعوا الاوطان
من تانى للمخلصين
ويلف شهر الصوم
من بعد عام ع القوم
يلاقينا هنا ف سوريا
بنحتفل بانتصارنا
من بعد مامحينا عارنا
ونعمرك يادمشق
نبنيك طوبة طوبة
ونحمى جسد الوطن
من حر تانى وطوبة
نبنى وطنا الغالى
ونرجع مجده العالى
والهمة ياجدعان
جالكم شهر رمضان
صوموا وادعو الله
يحرر الاوطان
وفى الساعة 25
معادنا كل يوم
نسحر المسلمين
ونسعد معاهم دوم
مسحراتى الوطن
جاى اصحيكم
يرجع حمام السكن
تانى لاراضيكم
مسحراتى الساعة 25
عذراً التعليقات مغلقة