والدة الحضري عن مطالبات اعتزاله: «ابني مش بياخد رزق حد».. صور

والدة الحضري عن مطالبات اعتزاله: «ابني مش بياخد رزق حد».. صور

على الرغم من تقدمه في السن، إلا أنه لا يزال قادرا على العطاء وكأنه “ابن العشرين”.. سطر تاريخا حافلا من البطولات والإنجازات سواء مع ناديه السابق الأهلي أو مع منتخب مصر.. نال احترام كل المتابعين والنقاد الرياضيين، بل جعل البعض يتعجب من إصراره الشديد وحماسه المتواصل داخل الملاعب.. خالف كل التوقعات والرهانات محققا حلمه بمشاركته في كأس العالم ليصبح أكبر لاعب سنا في تاريخ المونديال.. إنه الأسطورة عصام الحضري، حارس مرمى فريق النجوم المصري والحارس الأسطوري لمنتخب مصر.

في السطور القادمة سننقل لكم حوار أجراه موقع “سوبر كورة” التابع لجريدة “اليوم السابع” المصرية، مع والدة الحضري للحديث حول ما يثار من انتقادات حول اللاعب ومطالبات البعض له بالاعتزال ومستقبله مع كرة القدم.

بدأ الحوار الذي أجراه الصحفي “حسام علي” بسؤال والدة الحضري عن صحته بعد الإصابة الأخيرة التي تعرض لها؟
“الحمد لله هو كلمني وقالي ادعيلي، لأنه مش بيحب يبعد عن الملعب، قالي أنه عنده شد، وبيتعالج دلوقتي، وبإذن الله يرجع أحسن من الأول”.

ما تعليقك على مطالبة البعض له بالاعتزال؟

“ابنى مش بياخد رزق حد.. هو بيتعب وبيجتهد ومش بيقصر في شغله، ومحترف بمعنى كلمة محترف يعنى مش عشان هو ناجح وعمل تاريخ كبير يتكبر على الناس لا عصام مش كدة، فنفسى الناس تسيبه فى حاله ولو هو مش قادر يلعب الأندية مش هتبقى عاوزه تجيبه عندها، وأنا لما كل لما أتفرج على التليفزيون القى الناس بتقول لازم يعتزل، قومت سألت هو سن المعاش بتاع لاعيبة الكورة كام، قالوا ليا ملوش سن معين مش زى الحكومة، قولت طيب مالكوا ومال ابنى، كارهين له الخير ليه، ده بيحب الناس كلها وعمره ما أتمنى حاجة وحشة لحد، وأنا قبل ما أدعى له بدعى لزميلة”.

معنى كلامك أن الأسرة ما اتكلمتش معاه في موعد اعتزاله؟

“محدش يقدر يقوله كدة، واحد بيتعب وعاوز كل يوم ينجح، هنيجي نكسر بخاطرة ونقوله هتبطل إمتى؟!، ربنا يكرمه ويفضل واقف على رجله”.

عصام مرتبط بيكي بشكل كبير ليه مش قاعدة معاه فى القاهرة؟

“هو نفسه أروح أعيش معاه، بس أنا رفضت لأن أبوه موصينى وقالي أوعى تسيبي بيتك في دمياط وتمشى، ولولا أن دي وصية الوالد كنت روحت معاه، وهو ما كنش سبني، لكن هو بيجي ليا على طول، وبيكلمني في التليفون يقولي أخباره، وبروح لهم كل فترة”.

لسه زعلانة إن حلم الحضري بالرجوع للأهلي ما اتحققش؟

“لا خلاص كلنا كان نفسنا فى كدة، لكن الناس ليها رأى تاني، وحقهم، عشان كدة قولت له أقفل الموضوع ده وركز فى الفريق اللى بتلعب في، ويمكن ربنا منع عنه شر، أو ما كنش وصل لكل اللي عمله الفترة اللي فاتت”.

المصدر: اليوم السابع

إقرأ أيضا:

عصام الحضري يقترب من الانضمام لناد جديد و هو بسن الـ46

عصام الحضري لن يعتزل ويتفاوض مع ناد جديد