المحتويات
اسيبك”قصيدة رومانسية بالعامية المصرية”
اسيبك حبيبتى
واعيش جوا مين …؟
يا فرحة حياتى
وحلم السنين
يا صوت جوا مني
وعايش عليه
يا اجمل معانى
الكلام الحزين
ومين ده اللي يقدر …؟!
ومين ده اللي يقدر
يعيش بعد منى …؟
ويوهب حياته ……
بضحكه وسكاته
يموُوتْ جوا منك ..
يمَوِت اهاته
ومين صوت خطاكى
يعيدله الحنين ..؟
اسيبك ..!
اسيبك حبيبتى
واعيش جوا مين …؟
ومين غيرى شافك
طريق للنجاه
ومين بعدى ممكن
يعيشك حياه
وينكر في ذاته
عشانك معاه
وينسي ان قلبه
في جنبه اتوجد
لأنه معاكى بيعشق هواه
واسيبك ….!
اسيبك لمين ..؟
ومين حلمه زَيِيِ ..؟
يِعيِشِكْ سنين.؟
ومين حبه قَدىِ ..
ومين كان آمين ..؟
في لمسة ايديكى .
في حبه اليكى .
في شوقه لعنيكى .
قوليلي انتى مين ..؟!
مافيش غيري باع الزمن واشتراكىْ
ومات جواَ مِنكْ
وعايش معاكى
وساكنه انتى جواه
ونفسه رضاكىِ
وبتقولي اسِيبِك …
اسيبك حبيبتى
واعيش جوا مين ؟؟؟؟
شعر:محمد أحمد النجار _مصر
لوحة الفناة :منة سعد_مصر
موضوعات متعلقة:
عذراً التعليقات مغلقة