- الرئيسية
- ثقافة
- أدب
هاجروا البنتين طب راحوا فين يابو على “قصيدة بالعامية”
هاجروا البنتين طب راحوا فين يابو على “قصيدة بالعامية”
شعر: محمد عبد القوى حسن
هاجروا البنتين
طب راحوا على فين يابو على
والتالتة فين
هاتجيبها منين يابو على
ودة برضو كلام
ماتفك الطوق يابو على
بكفاية حرام
واعمل معروف يابو على
الناس هاتموت
محتاجة شروق ياولا
ونفس مكتوم
والتانى مزنوق ياولا
هايهدوا الحيط
فوق اللى بنوة يابو على
من غير ماتظيط
الكيل بيفيض ياولى
الاولى خلاص
بقت ع الراس ولاهمها
واولاد الناس
التانين دخلوا ف دربها
بتعقدوها والبنات بتحلها
بتغمموها والبنات تكشف لها
لو ضيقتوها البنات تفتح لها
ابواب لشروق
وانت المشنوق ف حبلها
ماتفك الطوق
بكفاية حرام يابو على
هاتوا الطبلات
وارقصوا يابنات ف وحلها
مايجيبها غير الهاربات من أرضها
هاجروا البنتين
طب راحوا على فين يابو على؟!
والتالتة فين؟!
هاتجيبها منين يابو على؟!
ودة برضو كلام ماتفك الطوق يابو على؟!
بكفاية حرام؟!
طار الحمام من أرضها
بيحط هناك عند اللى مش من عرفها
ويلاقى هناك المش موجود على أرضها
عودوا يالئام
طفشتوا الناس من عشها
بكفايا حرام
حرام عليك يابو على
صبحوم ايتام الله يجايزيك
يابو على
يغضب عليك
ويشل ايديك يابو على
عذراً التعليقات مغلقة