معرض القاهرة الدولى للكتاب الذى كان له مذاق خاص لدى الادباء وكينونة خاصة لدى المفكرين والشعراء وقدسية واحترام كبيرين
الدورة الـ50، اليوبيل الذهبى للمعرض سوف تنطلق يوم 23 يناير 2019
وقد تحكمت فية الشللية والمحسوبية واصبح يدار بشكل عشوائى واصبحت الندوات والبرامج المعدة للمعرض تدار لاشباع رغبات المحاسيب والمقربين فقط ويضرب بآراءالادباء عرض الحائط .
وعندما تدخل الى المعرض تلمس ذلك من اول وهلة فلا ضابط ولا رادع ولا تنظيم ولا يحزنون
فى هذه الدورة التى من المفترض ان تكون لها مذاق خاص ولجان واعية تدرك جيدا كيف تدار الامور هناك فوجئنا بهالة من التدوينات والبوستات والتغريدات على مواقع التواصل الاجتماعى كلها اجتمعت على المحسوبية التى من خلالها تم اختيار اللجنة المنظمة او اللجنة المشرفه سواء كانت فنية ام ثقافية ونحن بدورنا بكل حيادية ننقل للقراء ماكتب اليوم على الفيس بهذا الخصوص ولا نتدخل لا من قريب او من بعيد .
املين ان ينصلح حال وزارة الثقافة ويعود وجهها الجميل مرة اخرى للساحة بدلا من كل هذا الهرج والمرج الذى يحدث بالهيئة المصرية العامة للكتاب والمشرفين عليها ونتمنى ان تعود هى الاخرى لمكانتها لدى الادباء وتدار بشكل واعى ومتحضر يليق بمصر وتاريخ مصر الحضارى الكبير . المحرر
ننقل لكم ماكتبة كبار كتاب وادباء مصر على الفيس بوك بهذا الخصوص
Mohamed Elbadry
الجميل النهارده اني الاقي تشكيل لجان معرض الكتاب و الاخت ياسمين الخطيب منورة فيه !!!!
………
مشكلتنا الأساسية في البلد دي مش فقر ولا جوع ولا بطالة ..ولا حتي صحة و تعليم.. مشكلتنا الحقيقية في البلد دي ان “الانسان”اللي فيها كل يوم بينهار زيادة!
كل حاجة فيه بتنهار.. الذوق اللي كان بيسمع عبد الوهاب اتحول و بقي بيستمتع بالمهرجانات..!
الادب اللي كان بيخلي الشاب يقف لراجل كبير في اتوبيس زحمة و يقعده مكانه بقي انك متزعقش بصوت عالي في المترو لنفس الراجل الكبير.. عشان بس محدش يبصلك بصة مش ولابد!
بقينا بنقول علي الحاجة الوحشة ” زبالة فشخ”.. بدل ما كنا بنقول عليها ” بطالة خالص”
بقي النموذج لابن البلد عندنا محمد رمضان بدل فريد شوقي.. نموذج المعلم.. بقي ناصر الدسوقي.. بدل المعلم سلطان!!
حتي لجان معرض الكتاب بدل ما كانت بتتشكل من عمالقة الادب و الشعر و الفن .. بقت بتتشكل من ياسمين الخطيب و من علي شاكلتها!!
احنا محتاجين نعيد تعريف الذوق والادب و الفن الاول.. محتاجين نرجع “الانسان” .. يمكن بعدها نعرف نقنعه يبني بلده من جديد!!
Mokhtar Mahmood
أنْ تستعينَ الدولةُ بـ “مصطفى الفقى” مديراً لمكتبة الأسكندرية، وبـ “ميدو” مُشرفاً على مشروع الألف محترف، وبـ “ياسمين الخطيب” عضواً بإحدى لجان معرض الكتاب.، فهذا لا يعنئ إلا شيئاً واحداً، وهو أن الدولة تؤمن بمبدأ “الشخص غير المناسب فى المكان غير المناسب“
محمد محمد نوار
هى مين الفنانة ياسمين الخطيب ؟
ضمن إحدى لجان معرض الكتاب فى عيده الذهبى .
د. سحر محمود عيسى
لما الهيئة العامة للكتاب تختار ياسمين الخطيب من أعضاء اللجنة المنظمة للمعرض لو الحكاية كدا يا جماعة بجد يبقى فيفي عبده ودينا أولى على الأقل معروفين داخل وخارج مصر وسبب في دخول العملة الصعبة للبلد وعندهم خبرة في التنظيم والترتيب خاصة النيش؛ عموما وزارة الثقافة أثبتت فعلا أنها تعمل من أجل الوطن ولا شىء سوى الوطن
وهي من زمان رافعة راسنا ولها أبعاد ونظرة عميقة في الاختيارات وقلبها حنين وتريد ( تمكين) الحريمات
م الآخر انا فقدت الأمل في القيادات الي ماسكة بلدنا من زماااان؛ الفرق بس أن بتوع زمان كانت لهم ولمصر هيبة مختلفة وكانوا أكثر ذكاء وحنكة في إدارة ( ملف الفساد) أما دلوقت فأنت بجد في سيرك ومولد معفن
ودُمى يحركها الهوااا
(تحديث : بعض الأصدقاء أرسلوا لي أن الهيئة قالت سبب الاختيار : لجذب الشباب؛ الحقيقة انه عذر أقبح من ذنب لأنك بتحس ان الدولة بتنظم سوق الجمعة سوق التلات ،معرض أحذية وشنط وشرابات فنجيب ست علشان الزباين تدخل ونبيع! كلام مقنع نحن في أزهي عصور السوبر ماركت. كله بيبع والوطن تايه يا ولاد الحلال )
احمد قرنى محمد
تحية لدولة وزيرة الثقافة الفنانة
الحمد لله لم يتم اختيارى ضمن اللجنة العليا لمعرض الكتاب ولا اللجنة السفلى ..منذ يومين والتبريكات والتهنيئات تتوالى من موظفين بوزارة الثقافة لبعضهم البعص على الفيس اللغين ومش عارفين نقعد من صراخ الفرح وهستيريا المرح.. ولأن وزارة الثقافة هى وزارة موظفين بيختاروا موظفين زمايلهم يعنى مش محتاج تجتهد علشان تبص على قرار هيثم علشان تلاقيه حاطت زمايله من قصور الثقافة ..والمجلس اللى همه أيضا أعضاء لجنة الطفل لجنة الطفل اللى المفروض تضع استراتيجية لثقافة الطفل يعملو ايه يجيبوا موظفين قصور الثقافة والمجلس ليضعوا استراتيجبة لنفسهم عبقرية والله دى شهادة وعملوا كده فى المعرض السنادى وهايعملوه السنة اللى جايه واللى بعدها وهكذا دواليك دواليك ..دواليك ،طيب لما همه موظفين شاطرين قوى كده وموجودين فى كل حته ليه الثقافة واقعة؟!…وطبعا لن تشفع لك سيرتك الأدبية الطويلة ولا كتاباتك ولا كتبك ولا جوايزك المصرية والعربية ولا تكريماتك فى كل أرجاء الوطن العربي لأن الحسبة عند مسؤلى وزارة ثقافتنا هى هو أنت موظف عندنا يبقى مالكش مكان بينا احنا موظفين فى بعض نروح لجان المجلس نبقى فى لجان قصور الثقافة نعدى غلى لجان المعرض أهى بدلات وانتقالات ومسؤليات عشان كده.. أنا راكب عربيتى وماشي ..سلااااااام
ملحوظة كل من تم اختياره أصدقاء وأثنى على إبداعهم ولكن نختلف على المبدأ
يحى الاتربى
سلام عليكم …..
ماليش في الهري ، لكن الحدث جلل
سمعت خير اللهم اجعله خير ، إن ياسمين الخطيب (و عمري ما جبت سيرتها على صفحتي لا بالخير ولا بالشر) اعتذرت عن عضوية اللجنة الفنية بالهيئة العامة للكتاب .
أصلا مين سمح بإدراج اسمها في اللجنة الموقرة ؟!!! الله أعلم .
لصالح مين بيتم تلميع السيدة ياسمين الخطيب ، و بناء على إيه نازلين عليها بإسهال تكريمات ؟!!!!
