تصدر اسم حازم صلاح ابو إسماعيل الداعية السلفي والمرشح الرئاسي المصري السابق، محرك البحث جوجل بعد أن ورد اسمه مجددًا في حلقة مسلسل الاختيار السابعة والعشرين، في تسريب عُرض للرئيس السابق محمد مرسي ونائب مرشد الإخوان خيرت الشاطر، قبل تولي الإخوان السلطة وهو اللقاء المنعقد في وزارة الدفاع مع قيادات عسكرية كانت تقود مصر وقتها.
ويعرض مسلسل الاختيار رؤية النظام الحالي في مصر، حول جماعة الإخوان المسلمين وعام حكمها لمصر والذي انتهى بالإطاحة بهم على إثر احتجاجات شعبية واسعة.
وعرضت حلقة الاختيار 3 السابعة والعشرين، مساء الخميس تسجيلًا جديدًا لخيرات الشاطر ومرسي يهاجمان فيه حازم صلاح ابو اسماعيل ويدعوان لترشيح شخصية إسلامية أخرى يمكنها كسب ثقة السلفيين.
رأي الإخوان في حازم صلاح ابو اسماعيل
وفي بداية التسجيل قال مرسي: “يعني إخوانا مثلا فى حزب النور خدوا أكتر من 8 مليون صوت، احنا وصلنا قريب لـ 15 مليون صوت وهم 8 مليون، فإذا اقتنعوا بواحد زى الشيخ حازم مثلا هيدخلوه إعادة”.
كما الشاطر فى نفس الفيديو: “بس أنا بدأت حوار طويل معاهم فى الحكاية دى دلوقتى”، فسأله مرسي: “يعنى مش هيدوله صوتهم؟”، ليرد الشاطر: “لأ هى المشكلة مش فى حازم، المشكلة إن راسه (الناخب السلفي) متركبة إنه لازم يكون إسلامى، يعنى إقناعهم بغير حازم سهل، بس المهم إنك تديله بديل إسلامى، مش إن إنت متتدلوش”.
فقاطعه محمد مرسى قائلا: “مفيش بديل إسلامى مناسب” مما يوضح أن الفيديو كان قبل أن يحسم الإخوان موقفهم بدخول الانتخابات.
وتابع الشاطر كلامه: “خد بالك هى طريقة تفكيرهم، هم معندهمش آفق واسع”.
ثم عرض في نهاية الحلقة ذاتها تسجيل آخر في موضع لاحق ظهر الشاطر فيه وهو يقول: “زى ما قلت لحضرتك فى المرة قبل اللى فاتت، هي الإشكالية للمزاج العام للناخب المصرى الآن إسلامى، فالتحدى الحقيقى إن احنا النهاردة لو وقفنا ودى أزمة عندنا مش بقولها إن يعنى إن احنا بنسوق لفكرة تانية، لأ احنا فعلا فى ورطة كلنا دلوقتى، لأن الشخصية دى قدام الشخصيات الإسلامية المطروحة هتبقى فرص نجاحها مش عالى، هى دى الإشكالية، لأن المزاج العام كده، كذا وسبعين فى المية من الناس كده”.
فقاطعه محمد مرسى: “ممكن تلاقى العوا نجح مثلا”، ليرد الشاطر عليه: “لأ العوا سهل، ياريت ده العوا مش مشكلة، لأ المشكلة فى حازم، حازم هو اللى هينجح.. كل المؤشرات دلوقت إنه نمرة واحد” فعقب مرسي: “تصور انت أما يبقى حازم!”، في إشارة لاسم حازم صلاح ابو اسماعيل الذي كان أول القيادات السلفية التي اعتقلت بعد انهاء حكم الإخوان ولا يزال في السجن حتى الآن.
موضوعات تهمك:
مسلسل الاختيار 3 الحلقة 23: السيسي يخيّر مرسي بين الجيش والإخوان
