أعربت الفنانة نجوى فؤاد عن استيائها الشديد بسبب تجاهل زملائها في الوسط الفني لها، مؤكدة انها نعاني من من ازمة مادية بسبب عدم وجود أي أعمال فنية تعرض عليها منذ 7 سنوات.
وقالت نجوى فؤاد خلال مداخلة هاتفية مع الإعلامية ياسمين عز ببرنامج “كلام الناس” المذاع عبر شاشة “MBC مصر”، إن الوسط مبقاش فيه رحمة على عكس زمان كان في عطف وحنان على بعضنا وكل يوم بنتجمع عند حد وكنا متلاحمين”
وأضافت: “حاليا في موبايل وممكن نسأل على بعض بشكل أسهل، لكن أنا عارفة أن الناس عندها شغل ومشاكل والحياة أصبحت مزدحمة”
وأكدت قائلة: “أنا بقالي 7 سنين مش بشتغل وفي ناس بتشتغل أكتر من 30 عمل وأنا عايزة اعيش”
وتابعت: “أنا اشتغلت 50 سنة وضيعت فلوسي كلها على الإنتاج ولما بسأل بيقال أن السبب العرض والطلب ودة متوفر فقط في البطل والبطلة والمؤلف والمخرج فهما عواميد العمل لكن باقي الأفراد ليسوا عرض وطلب”.
واستطردت: “مفيش حد في الوسط بيسأل على حد خالص ليه؟ حرام مش عشاني أنا، احنا كلنا واحد واحنا بنتمنى السعادة لبعض وحبوا بعض هتلاقوا الخير”.
يذكر أن آخر عمل فني شاركت فيه نجوى فؤاد كان فيلم “قهوة بورصة مصر” في 2019 مع علاء مرسي، وصلاح عبد الله، كما شاركت في مسلسل “أرض النفاق” مع الفنان محمد هنيدي وهنا شيحة في 2018.
موضوعات تهمك:
