خناقة بين “ميدو” و”كوكا” على تويتر
نشبت مشادة كلامية على موقع التواصل الاجتماعي “تويتر”، بين أحمد حسام “ميدو”، لاعب الزمالك وتوتنهام الأسبق، وبين اللاعب أحمد حسن “كوكا” مهاجم فريق قونيا سبور التركي، وذلك بعد تعليق الأول على استبعاد الثاني من قائمة منتخب مصر التي ستشارك في كأس أمم إفريقيا المقبلة.
وقال ميدو عبر صفحته الرسمية على موقع “تويتر”: ان “كوكا لاعب متواضع ولا يصلح للعب دوليا مع المنتخب، حتى ولو أحرز 1000 هدف”، ليرد عليه الخير “انت صلا مين طلب ريك؟”، واتهمه بأنه يسعى للشهرة.
ورد كوكا في تغريدات متالية: “مهاجم متواضع؟ أولا أنت أصلا مين طلب رأيك؟ ثانيا أنت مبطل كورة وأنت عندك ٢٩ سنة وكل الناس عارفه ليه.. ثالثا لو رقم الأهداف اللي أنا جايبه شايفه قليل ماجبتوش أنت ليه؟ رابعا حاول تبقي مدرب.. ومبتكملش عن شهر في أي نادي”.
وتابع: “خامسا بتحاول تبقى إعلامي وتتكلم عن ده وده عشان تبقي تريند بأي شكل، أي حاجة عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني.. وأنا عارف إن أكبر غلط إني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجة من الناس بعد ما أبطل كورة وبعد لما أموت غير السيرة الحلوة”.
ورد عليه ميدو قائلا: “عمري ما روحت المنتخب عشان مناسب حد مهم.. أنت عارف كويس أنت كنت بتروح المنتخب لسه.. رد في الملعب حاول تروح المنتخب، أنت لاعيب تعبان وكل مؤهلاتك نسبك وأنت عارف كويس.. عمري ما لعبت في دوريات الالاضيش اللي أنت بتلعب فيها.. يا أهبل مصر كلها بتقول إنك لاعيب على ما تفرج مش أنا بس، وتاني أنت عارف كويس أنت كنت بتروح المنتخب ليه”.
يذكر ان كارلوس كيروش قد اعلن، اول امس الاربعاء، عن قائمة لاعبي منتخب مصر النهائية التي ستشارك في امم افريقيا، والتي ضمت 25 لاعبا، قبل ان يضيف اليهم الثلاثي، مروان حمدي وإبراهيم عادل ومحمد حمدي، لتصبح القائمة 28 لاعبا.
موضوعات تهمك:
