محمد صبحي الممثل المصري الشهير، أصبح ضمن التريند الأكثر رواجا على مواقع التواصل الاجتماعي في الساعات الأخيرة، وذلك بعد لقاء إعلامي مع قناة العربية السعودية في برنامج تقدمه الإعلامية المصرية لميس الحديد، “القاهرة الآن”.
واحتفى عدد من رواد مواقع التواصل الاجتماعي بتصريحات الممثل المصري محمد صبحي في تصريحاته، والتي نقلوها وتضمنت عدة رسائل للفنانين والمواطنين، والتي جاءت كالتالي:
- بيل جيتس أعلن عن الڤيروس الحالي منذ عامين وتجاهله الجميع.
- عيب يطلع ممثل يقول للناس خليكوا في البيت وهو بيخرج.
- الواعيين قاعدين في بيوتهم، اللي في الشارع محتاجين شغل كتير على وعيهم.
- الفترة الجاية لو مزرعناش أكلنا ومصنعناش ملابسنا لن تكون إرادتنا بأيدينا.
- الفنان الحقيقي مش دوره يطلع يقول للناس اغسلوا ايديكم، الفنان كان دوره العشرين سنة اللي فاتوا يوعي الناس.
- في اليابان لما عرفوا ان موقعهم موقع زلازل ، الحكومة عملت تدريب للشعب كله ازاي يتصرفوا مع حدوث الزلزال لانهم اكتشفوا ان الناس اللي بتموت من الهرجله كتير
كما قال محمد صبحي أيضا:
- متقولوش جيش أصفر وأحمر وأبيض… اسمهم أطباء وممرضين أجلاء وابطال
- لابد أن المجتمع المصري يعترف بضرورة تغيير قمة الهرم ليشغلها البحث العلمي والمعلم والطبيب والممرض.
- عيب لما ييجي عالم مصري محدش يستقبله ولما ييجي فريق كورة مصر كلها تحتفل بيه.
- بدل ماتعملوا برامج مسابقات هبلة هاتوا الناس الغلابة ياخدوا الفلوس دي.
- الفنان يوصل رسالته بشغله، لكن البرامج أنا محتاجها تستضيف مواطن عادي هيضيفلي وهيكون أصدق.
- مطلوب ألا يكون هناك احتكار للفن.. الفن سباق لتقديم الأفضل.. ولا يصح ان تحتكر جهة واحدة انتاج المسلسلات والأفلام.
- أنا لا أطلب فن عن الارهاب.. زادت كتيرا هذه الاعمال .. أنا طالب فن يعلم الناس يحبوا بعض عشان ميبقاش فيه ارهاب من الاساس دة دورنا
موضوعات تهمك:
بالفيديو .. محمد صبحي ينفعل بعد اتهامه بإدعاء الفضيلة
تردد ام بي سي مصر ومواعيد برنامج رامز مجنون رسمي وباقي المسلسلات والبرامج
