رسالة للبنت الجميلة اللى اسمها حبيبتى
رسالة للبنت الجميلة :وانت فى وريد الروح تتمخطرى بقوة ، وتشيلى عنى هموم الكون بضحكتك الحلوة ، افرد شراعى لكون عفى بيك .
واطلع ولد شاطر يصلى لعيون الاندهاش فى رحلة الرحلة .
هذا نسيمك فى النسيم ، هذا ربيعك فى القدر .وانت تحنى الصبايا فى عرس فرحتهم .
واقف اشوفك عروسة حلوة ملاليلة .
تمشى غزال ، تتقدمى بجمال، تتكلمى الكلمة ، تتكتب موال .
وانت النعيم ،، قلبك سليم ، نبضك ف قلبى يملى الحياة بانوار
الحب كلمة وانت معناها ، والصفا والوفا من طبع قسمتنا .
الاقينى فيك طفل بيلملم قدوم الذوق من نبع اورادة ويهديكى صبح عفى مكسى بنبض النبض .
بستانين من ورد ليك فى طلعة امانيك ، وانت احلى وردة ف البستان
شجرك عفى وياسمينك الحنه
رسالة للبنت الجميلة
وردة عبيرك من اغاريد الكناريا كلهم على ترعة مصيرى بيستحموا من نشيدى ويكتبوا كتاب الامل على النسمات
اسهر وابات ع الحلم يتحقق ، واقرا ايات الكمال والرضا فالصبح يتشقق
بنور عفى يطرح جناين ، يطرح مداين ، يطرح بشر بيغنوا للقلب اللى عاش هيمان بضحكة حبيبته المستحية من عسل روحها.
يابنت شهد الاماكن ياعسل صافى ، حضن الاماكن والا حضنك الدافى
يابنت بحرين امانى ، لحنك جميل ياعسل والا لحن دا الاغانى .
يابنت بسمة ربيعى ، قلبك الطيب مدينتى .
هاتى القصايد بكر ف عيونك ، مكتوبة للجفن اللى بات سهران على ذكرى اغاريدى .
رسالة للبنت الجميلة
قد يهمك أيضا
رسالة الحب العفية لبنت النسيم والضى رسائل عشق
صباح المحبة ولقاء الاحبةرسالة غرام
عذراً التعليقات مغلقة