شعر: أشرف صادق _ مصر
أيه ح يجرى لو أسيبك ..
والاّ انتى اللى تسبينى ..
لو حسبنا الحسبة بنّا ..
يبقى بكرة ح تبعينى ..
ح تبعينى وباختيارك !!
ف اختصار للحزن حالا .،
ودعـــــــــــــــــــــينى ..
واوعدينى انك ماتبكى لأن دمعك ..
هوّه أضعف نقطة فيّا ..
يــا حــــــــــــــــــــــــــبيبتى ..
كل شيئ حلو ف حياتنا ..
إستحاله ح تطوليه ..
الزمان ده .،
مش زمان الحب اللى بتحلميه .،
فاعذرينى ..
إعذرينى لأنى مش ح اقدر أحقق .،
حلم شفتك عايشه فيه ..
مش لأنه عجز منّى ..
لأ.. لأنى مش لاقينى ..
ضعت جوّه الحلم نفسه ..
كل شئ ف الدنيا دايما ف ازدياد ..
إلا ذاتى .!
هىّ أرخص م الرخيص ..
متقوليش انك معايا ..
وانك انتى بدون هوايا ماتعشيش ..
دى التجارب اللى مرّت بيّا ياما ..
علمتنى انهُ مفيش ف الزمان ده .،
قصة كامله للحبايب ..
لا اللى غايب .،
لمّا عاد شاف حبيبته ف انتظاره ..
واللى عايش جوّه منها .،
مين يداوى انكساره .،
لمّا شافها ف المزاد .
باختيارها !!!
ف اسمحى لى ان احنا نبعد فى هدوء ..
واوعدينى انك ما تبكى ..
يكفى إنى راح اسيبك .،
واحنا بنّا كل حب ..
ف اختصار للحزن حالا .،
ودعينى باختيارك ..
قبل ما يجيلك زمانك ..
تخسرينى !!
… ودعينى !!
… ودعينى !!
عذراً التعليقات مغلقة