لوين السفر : قصيدة من شعر العامية المصرية

الشاعر ع14 يوليو 2019آخر تحديث :
لوين السفر

لوين السفر : قصيدة من شعر العامية المصرية

شعر : محمد عبد القوى حسن

اذا الصبح اشرق بنسمة ضياه
وورد إبتسامكم بيملى الحياه
عيونى بتضحك لطفلين أمانى
قليبى بيبكى لشهد الأغانى
أنا فرحتين الضحى من يناير
وعشقى إللى سافر
لغربة ديسمبر
كونونى أكون النبى العظيم
يافردة سماكم على قبتين
شيلان الهوى فى غيطان النعيم
وبنتى الأبيه إللى عشقت غياب
ونبتت صبايا إللى سافرت وعافرت
وسكنت بقسوه ف قلب الكتاب
اغتراب الامانى
انشطار التوحد
ياما كان حمام النعيم يشتهينى
وانا كنت برضو بغازل حنينى
على مرسى روح الحبيبه المسافره
ياكافره بكل اشتهاء النصيب
دروبك معافره وترجع تطيب
هلمو .. تلمو .. وترجع تضمو
كفوفك لوش التراب النحيب
بيكتب لعين المدى الف قصه
ويرسل لوجد النهار الشحيب
ترانيم مغادره لوش المغيب
على وجنتين الطزاجه البكر
وسبحة حبيبتى اللى سابحه ف ذكر
تكونى اكون لك هوانا الدكر
يخضر ف صلب الخصوبه ابتكار
ويرجع يودع عفار المدار
لعين الحبيبه
النحيبه السحر
حبيبتى المسافره

                                         ***

الشاعر محمد عبد القوى حسن من شعراء العامية بجمهورية مصر العربية :

صدر له مجموعة دواوين شعرية على نفقة الدولة

عضو اتحاد كتاب مصر

عضو جمعية مبدعى مصر

قد يعجبك أيضا:

خرافة .. قصيدة بالفصحى

ما ملكت أيمانكم قصيدة بالفصحى

عروس القُطر .. قصيدة بالفصحى

حليمة بولند تتحدى منتقديها بصورة جريئة جدا

لوين السفر

التعليقات

عذراً التعليقات مغلقة

اكتب ملاحظة صغيرة عن التعليقات المنشورة على موقعك (يمكنك إخفاء هذه الملاحظة من إعدادات التعليقات)
    الاخبار العاجلة