بين الحين والاخر يقوم الملحن مصطفى جاد, وزوجته الفنانة كارمن سليمان بمشاركة متابعيهم يوميات حياتهما خلال فترة الحجر المنزلى, وهو الامر الذى عرضهما للحسد الشديد من قبل المتابعين بتعليقات سلبية, لذلك لم يقف الزوج صامتا حيال ذلك الامر ورد عليهم ردا حادا قائلا:”قسمًا بالله عمري ما كنت من اللي بيشتكي ولا بصور حاجة من المصايب اللي بتحصلنا عشان مش ذنب الناس تشوف حاجات وحشة وننقلهم طاقة سلبية”.
وأضاف: “بس بجد فيه بشر مريضة ومليانه غل وحقد وقرف، والحسد بقى عيني عينك، وبجد أنا قرفت وتعبت وأعصابي مبقتش مستحملة إني اسكت على الناس دي، واللي هيقع تحت إيدي منهم؛ همسح بكرامة أهله الأرض، عشان أنا عندي لسان وبعرف أرد، وبعرف آخد حقي قوي”.
وتابع: “الحسد وقعه وحش قوي جسديًا ونفسيًا وأنا معنديش أغلى من عيلتي عشان كده كلامي منفعل شوية.. كارمن إنهارده كان صباعها هيتقطع حرفيًا لولا ستر ربنا وكرمه واحترامًا لرغبتها مش هنزل الصور وعشان برضه الناس ملهاش ذنب تشوف حاجات زى كده، واللي حصل حصل تزامنًا مع الصورة اللطيفة اللي تحت دي، لنا الله وربنا يصفي قلوبنا”.
على صعيد اخر, ان اخر اعمال قدمتها كارمن سليمان من خلال غنائها تتر مسلسل “نصيبى وقسمتك3”, وكان على هيئة دويتو غنائى بين الفنانة والملحن والمغنى محمد الصاوى, وهو قام بتقديم تتر الجزء الاول منفردا.
قد يهمك ايضا:
يارا تكشف تفاصيل زواجها للمرة الاولى .. فيديو
ايمان العاصى تسحر متابعيها باطلالة مشرقة
سمية الخشاب تتألق بجمبسوت ازرق
