فى يوم المرأة سلم ع الحبيبة ” قصيدة لكل امرأة تقدر الرجل”
شعر: محمد عبد القوى حسن
فى يوم المرأة سلم على الحبيبة
حبيبة قلبك امك او مراتك
او اختك عمتك ستك حماتك
جاوبنى بجد قول مين القريبة؟!
فى يوم المرأة سلم على الحبيبة
اسلم فى البداية وابوس قدمها
لامى اللى ياما اتحملت المها
عشان ترضينى وتهنينى دايما
وامى ليها من الكل احترامها
فى جنة الرحمن تبلغ مرامها
لامى وروحها دعواتى وسلامها
وبعد الأم مافيه حد تانى
وبعد الأم ماتلاقى حبيبة
هاتفضل طول حياتك دوم تعانى
وبعد الأم ماتلاقى قريبة
لكن للزوجة لو كانت وفية
جميع الاحترامات الجلية
اشيلها فوق دماغى طول حياتى
ولو كات غير ذلك دى تبقى بلية
وتيجى الاخت بعد الام برضك
دى دمك لحمك وكمان هى عرضك
وليها من حنان القلب مطرح
لابد انك تهديها من عسلك وشهدك
وخالتى وعمتى احلى الحبايب
ومن بعديهم والله مافى قرايب
دول الاخوات لامى ولابويا
ومن بعد الخالات ييجوا النسايب
لستى وست روحى الغالية بنتى
دى مافية مثلها ابداحبايب
دى غيطى جنينتى وقريتى ومدينتى
وليها حنان الروح والقلب طايب
لكل المرأة فى صورة خويلة
فى صورة حفصة وف صورة الخديجة
وستنا عائشة وفاطمة وسهيلة
وكل من كانت ليهم السيرة الجليلة
لكل المرأة اللى ربت ولادنا
ف سوريا الغالية
اوفى فلسطين الاسيرة
لكل المراة اللى كافحت وصبرت
ف عيد المرأة تحياتى الوفيرة
لكل المرأة فى بغداد ياصابرة
فى طولكرم او فى حمص الاصيلة
لكل المراة ابعت تحياتى
وتقديرى لمن ليهم الفضيلة
بدون المرأة حياتنا كئيبة
ومن دون النساء مافى مصيبة
اذا حلو النساء حلت البشاير
واذا رحلوا النساء عنا الحزن غاير
واذا ماتوا النساء تكون حياتنا صعبة
لكن ممكن نعيشها بالقليلة
اقرأ/ى أيضا:
عذراً التعليقات مغلقة