فجر الندا .. قصيدة بالعامية المصرية

الشاعر ع22 أكتوبر 2018آخر تحديث :
فجر الندا .. قصيدة بالعامية المصرية

 

مين اللى قال ان الجراح
ممكن تكون متمكنه
إزاى وايامنا اللى جايه ممكنه
الدنيا مش قاسيه قوي
لكنها متلونه
عاشقه فى لحظه حنينه
ويا اللى راسم قلبه
فوق نخلة عطاء
الله على بكره اللى طارح
ميت ندا
لو طايره احلامنا
ترفرف فى الفضا
حاضنه مدارات التمنى المصمته
لاتلملمت كل النجوم المبهمه
عازفه ترانيم الصلاه
طارده فى ليل المنتهى
حاضنه فى فجر اللى ابتدى
يفرد فى نوره صمام امان
فيثبت الخطوه اللى كانت من زمان
تتمنى تحبى ع الصراط
هرمون آهات
واللى ا تحقن بيه اتحقن
قبل الميلاد
راضعين انين الذكريات
اللى اتعزف
على كل اوتار الاسى
نغمه وخارجه مهلهله
رغم انتشار النور وصوت الصهلله
وعيون إزاز متبسمه
بتداري كل اللى جري
هل ياترى فجر الندا
هيلاقى مطرح فى السما ؟
أه ياورود الدندنه
لو يرسموكي في المدي
هيلاقوا في الصوره ندي
هيلاقوا في الصوره انا

شعر : نادية لطفى _ مصر

44548614 595691350849195 7025630455378477056 n

اترك تعليق

يجب ان تسجل الدخول لكي تتمكن من إضافة التعليقات

الاخبار العاجلة