فتاة المنصورة ضحية المجرمين: ماذا قال رواد "تويتر" فى تغريداتهم عنها

فتاة المنصورة ضحية المجرمين.. الواقعة الاليمة والجريمة الشنعاء التى لا تغتفر والتى تعرضت لها فتاة المنصورة من مجموعة من الوحوش البشرية ، ليلة راس السنة، من احتجازها والتحرش بها واغتصابها لمجرد انا نزلت الشارع بملابس شبه عارية اعلى الركبة ” وكانت فخوذها ” ظاهرة امام الجميع .

فهل هذا مبرر اغتصابها ؟ وهل المنقبات والمحجبات لايتعرضن للتحرش ، وهل اصبحنا نعيش فى غابة ، من السهل اى فتاة تتعرض للتحرش والمضايقات دون ردع ، ودون ان تجد من يدافع عنها ،؟؟!! كلها تساؤلات نطرحها هنا وتجيب عنها تغريدات نشطاء تويتر الذين كتبوا بما فيه الكفاية عن الواقعة الاليمة .

تغريدات تويتر عن فتاة المنصورة

@mostafa13874428

دول مش بني آدم دول حيوانات خساره فيهم حيوانات اصلاً ربنا يرحمنا بجد من اللي بيحصل ده فعلوا الهاشتاج عشان نعرف العالم انو احنا في غابه مش دوله خالص وحسبي الله ونعم الوكيل #فتـاه_المنصوره

@fRyrHtURORYTf8R

يعني لما شوف راجل بيضرب ظلم أو فتاه بيتحرشوا بيها مقدرش اسيبهم واقول وانا مالي امشي

Radwa El Sherbiny

مفيش اى منطق ممكن يخلى اى حد فينا يستوعب كم انحدار الأخلاق اللى وصلنا ليه..٤٠ شاب يتحرشوا بفتاه فىً الشارع مافهومش واحد قالهم حرام عليكم؟ طيب الناس اللى ماشيه فىً الشارع محدش قالهم انتم بتعملوا ايه؟فين الدين،فين الإنسانية، فين التربيه،الله يرحم النخوة والشهامه #

@AhmedHassanRauL

الراجل بيحمي .. الراجل ضهر .. الراجل لو شاف بنت عريانة يغطيها .. ده الراجل زي ماتربينا

صباحكم رجولة ⁦

@AmirTeima

اللي بيبرروا الفعل الأحمق للهمج اللي تحرشوا ب #فتاة_المنصورة بسبب ملابسها لا فاهمين دين و لا دنيا، لو انت متدين للدرجة دي فالتصرف الديني انك تغض بصرك فقط

دول شوية بهائم هائجة و اللي بيبرر فعلتهم زيهم، مفيش دين و لا أخلاق و لا إنسانية بتقول ان قطيع حيوانات يهاجم بنت تحت اي مبرر