قرر عمرو السولية نجم وسط النادي الأهلي المصري، اليوم، التقدم ببلاغ لمباحث الإنترنت، ضد عدد من الحسابات على مواقع التواصل الاجتماعي، بداعي اختراق خصوصيته، حيث قامت بالتحرش بابنته التي لم يتجاوز عمرها الثلاث سنوات ونصف، بعد نشر صور لها عبر صفحته على “تويتر”.
وكتب السولية عبر صفحته على موقع التواصل االجتماعي “تويتر”، بعد ساعات قليلة من نشر صورة له مع ابنته، معلقا على تعلقيات متابعيه: “بنتي ليلى عندها 3 سنين ونص، لسه قالعة البامبرز الكلام ده بيتقال على طفلة، إيه اللي يخلي بني آدم خنزير ممكن يبص على لبس طفلة ويركز غير إنه فعلا خنزير، إيه المرض دة، دول اللي لما بيكبروا بيكونوا مغتصبين ومتحرشين وبنخاف على بناتنا وأهلنا ينزلوا الشارع علشان ميتعرضوش لأذاهم”.
وأضاف السولسة: “أتمنى الشيوخ اللي بيبرروا التحرش ولبس البنت يكونوا مبسوطين دلوقتي وهما شايفين اللي بيحصل، قررت أتقدم ببلاغات ضد أصحاب الكومنتات دي علشان اللي زيهم دول مينفعش يكبروا وسطنا، قررت أحمي بناتي اللي لسه مشافوش الدنيا وللأسف خايف عليهم يشوفوا كمية القرف والاشمئزاز ده”.
قد يهمك أيضا:
