تحدث الفنان المصري، طارق النهري، عن فترة وجوده في السن، على خلفية اتهامه بحرق المجمع العلمي، إبان ثورة 25 يناير.
وقال طارق النهري: “الأربعين سنة اللي فاتوا ما اتعلمتش زي المحنة ما علمتني.. شوفت ناس ما كنتش اتخيل إني أقابلهم.. دخلت مخضوض وماكنتش مصدق إنه يحصل معايا كده”.
وأضاف خلال لقائه مع الفنانة إسعاد يونس، في برنامج “صاحبة السعادة”: :لما صدر الحكم.. كنت في حالة غير طبيعية، وقلت 25 سنة إزاي، وفترة السجن قرأت كثير جدًا، وكانوا بيدخلولنا كتب وإحنا 5 زنزانات جنب بعضها.. كنا بنتبادل الكتب، وعمري ما حليت كلمات متقاطعة، بس كنت بحلها في السجن”.
تابع قائلا: “خروجي بعفو الرئاسي كان حلم بعيد ولم أكن أتوقعه، وعند خروجي من السجن توهت.. أول ما خرجت لفيت الشوارع كلها، وكم الإنجازات اللي حاصلة في مصر شيء مُبهر.. اللي بيحصل ده لو مكنش حصل في الوقت ده كنا هنكون دولة متخلفة”.
يذكر أن النهري قد عوقب بالسجن المؤبد لمدة 25 عامًا، بسبب اتهامه في قضية حرق المجمع العلمي في عام 2012، قبل أن يتم تخفيف العقوبة إلى 15 عامًا، وخرج في يوليو الماضي بعفو رئاسي.
يهمك أيضا:
