الدرويش
الديوان الثالث لشاعر العامية المصرية درويش السيد
شاعر الارض
مابين القصيده والمربع والاغنيه ١٧ قصيده و٢١ رباعيه و٨ اغانى والديوان تجربه جديده فى الطرح حتى يتم بيان روح الشاعر فى الكتابه وفى طرح الأفكارمن خلال اعما له حتى يكون العمل هو بطاقه شخصيه للشاعر فى اى نوع من الكتابه ولكم الحكم بعد الاطلاع على الديوان
الشاعر،درويش السيد ،شاعر الارض،
وننشر للقراء بعض قصائد الديوان الجديد ( الدرويش )
اضرب
اضرب جمعنا الضرب
اضرب والحاصل حب
اضرب والقسمه مافيش
اصل احنا بنذيد فى الصعب
اضرب خلى الدم يفور
ويبان الغل المستور
لوبتحارب لجل قضيه
اطلع بقى واظهر فى النور
اضرب ياابو ضربه خسيسه
عارفينك مأجور ودسيسه
لوهديت البيت والجامع
حنصلى ونبات فى كنيسه
شمرلى دراعى وخد دمى
واناشايل جرجس وباسمى
شوفته زمان على باب الحاره
بيتخانق ويغير على امى
اضرب جمعنا الضرب
اضرب والحاصل حب
اضرب والقسمه مافيش
اصل احنا بنذيد فى الصعب
اضرب
