صباح الحب الصافى لـ قلب حبيبتى  . رسالة غرام

الشاعر ع17 نوفمبر 2019آخر تحديث :
صباح الحب الصافى
صباح الحب الصافى

صباح الحب الصافى لـ قلب حبيبتى  . رسالة غرام

 

صباح الحب الصافى : واتبسم للصبح النادى ، ولقب حبيبتك بينادى، بيقولك ياصباح  حياتى ، يبحك ربى بالخير ، ياطموحة ومكافحة وحلوة، ياجميلة فى حياتى وغنوة ، يااصيلة بتفتحى طرقاتى ، وتداوى بالبسمة اهاتى ، ساعاتى كلها موهوبة ، لحظاتى الحلوة مكتوبة ، للقلب اللى بحبه ياغالية ، وادعيلك ربى يخليك ، واخاف عليك من النسمة ، والمولى بجاهه يراعيك ، وتدومى فى حياتى كبسمة .

بسمة عليلة تداوى جراحى ، نسمة اصيلة معاها افراحى ، واشد الحيل قوى وياكى ، واتمنى ومنيايا رضاكى ، اطلعلك م النجمه اغنى ، واوهبلك نسماتى وفنى ، اكتبلك اشعار لعيونك ، وادعيلك ربى انه يصونك ، وملحة ف عين كل حسود ، بيحاول يحسد قعدتنا ، او يخطف مننا فرحتنا ، انتى ياغالية اجمل نسمة وانت البسمة اللى مترسمة ، على وجه الكون كله نعيمك ، اهديلك ف صباحك غنوة ، بتقولك ياصباح النور، والفلاح كان ماشى بيغنى ، لحبيبته من جنب السور ، وحبيبتى طلعت وقالت ، صباحين ياحبيبى ياامور ، والبت الحلوة الحليوة ، امورتى جميلتى القمورة ، انا عاشق نظراتها الساحرة ، وباصم على طول بالعشرة ، اهديها ارواحى ودمى ، وانفاسى وحياتى وعمرى ، دى حبيبتى وبنتى اختى وامى ، وستى وبتقولى اميرى ، وانا دايما اقولها امورتى ، وهى حبيبتى وهى جميلتى وهى القلب اللى بيدعيلى ، وهى اللى بتفتح لى دروبها علشان اطلع فيها واغنى ، واكتب اشعارى لعيونها ، وقصايدى بتحكى ف مضمونها ، وارجع تانى عليها واصبح ، واقولها ، ياصباح البسمة ، على وش حبيبتى المرتسمه ، دى رقيقة واجمل من نسمة ، وبحبك واحبك دايما ياحبيبتى الامورة الحلوة

قد يهمك أيضا

صباح حب قلبى اللى صابح معطر . رسالة لحبيبتى

رسالة للبنت الجميلة اللى اسمها حبيبتى

العشق العفيف  .. رسالة عشق

التعليقات

عذراً التعليقات مغلقة

اكتب ملاحظة صغيرة عن التعليقات المنشورة على موقعك (يمكنك إخفاء هذه الملاحظة من إعدادات التعليقات)
    الاخبار العاجلة