زاهد .. قصيدة بالعامية المصرية
شعر: هناء سيف الدين
طول دنيتي راحل
بس بفرس زاهد
شاقق صفوف السحاب
في عتاب
ان الرحيل ثابت
مش شايفه في الطل خل
والرب كان شاهد
ولا ظهرى عمره كل
ولا خل كان ساند
فرسي عنيه تدمع
يسالني : ليه شارد
امتى لجامي يكل
يلقى مكان زاهر
زاهده انا
حتى الفرس
طول السنين شارد
لانا عايزه القى مدد
ولا ملتقى زايد
ذاهب لكونى انا
مش مفتقد
صامد
اقوله مش مشتهي
غير اللقا
رايد
حبيبي بالمنتهى
المصطفى واجد
رحلتنا فيها اللقا
للملتقى شارد
ولا همى الا الهدى
وهفضل لها مادد
ولربي طول المدى
عايز الرضا
ساجد
عايزه اني اسرى ف فضا
واعرج وانا ساجد.
واوصله بالمصطفى
وهدى الكريم ساعد
بالمصطفى نوصل
اخر الرحيل
واحد
يارب بالمصطفى
تفضلنا ساند
***
هناء سيف الدين
هناء سيف الدين
زاهد .. قصيدة بالعامية المصرية
قد يعجبك أيضا:
اجلس الآن أمامي “قصيدة بالفصحى”
Sorry Comments are closed