شاركت الفنانة بشرى متابعيها عبر حسابها الرسمى للصور والفيديوهات تطبيق “انستغرام” بمقطع فيديو مباشر, اوضحت من خلاله تفاصيل استمرارها فى تصوير مسلسلها الجديد “قمر اخر الدنيا”, والذى من المقرر طرحه خلال موسم رمضان القادم, رغم خوفها الشديد عليها وعائلتها من المخاطر التى يمكن ان تتعرض لها بسبب تفشى فيروس كورونا المستجد.
وكشفت من خلال الفيديو قائلة:”مش مضطرة أنزل أشتغل، ممكن أقعد في بيتي مع ولادي، خاصةً أن المسئوليات زادت عن العادى وبقيت بشتغل مدرسة كمان، وده حمل أكبر عليا، بس بنزل عشان الراجل اللى دافع فلوس في مسلسل وابتدى شغل قبل انتشار الفيروس ميخسرش”.
واعربت عن حالة الخوف التى تسيطر عليها وانها لا تريد ان تخرج من المنزل نهائيا فى ظل هذه الظروف, وتود البقاء فى المنزل, وكشفت عن حقيقة ازمتها الصحية التى تمر بها قائلة: “أنا مريضة ربو وعندي أزمة تنفسية طول السنة”.
وتابعت بشرى حديثها قائلة: “أنا أقدر أستحمل وأكفى نفسي من المدخرات، بس كمان في عمال إضاءة وديكور ونضافة شغلتهم موسمية زيي؛ ومش عاملين حسابهم على القعدة دي ومعندهمش مصدر رزق تاني”.
وأضافت بشرى قائلة: “مش معنى إننا بنشتغل وبنكمل تصوير يبقى نتشتم أنا مش هقبل الشتيمة من حد، إنت بتنتقدني ليه مش من حقك، أنا كل يوم بخاف أكون لقطت عدوى من حد وأضر أهلي وفي ناس مناعتها قوية مش بتبان عليها الأعراض ممكن ينقل الفيروس”.
واستطردت قائلة: “بحتاج تنفس من فترة للتانية، وده اللى بيخليني مبغنيش طول السنة عشان أزمة في النفس، وبحاول أغنى فى الوقت اللي بكون بقدر فيه”.
كما لفتت النظر الى الاجور التى يحصل عليها الفنانون والهجوم الشديد عليهم قائلة: “اللي بياخدوا ملايين من الفن معدودين على الصوابع وبياخذوا هذه الأرقام لأسباب هي جلب الإعلانات، لأن الدعاية على أسمائهم تأتى بإعلانات أكبر”.
وأضافت: “إحنا في أيام مفيهاش مزايدات، الكل متساوى بسبب كورونا مفيش أفضلية لحد دي رسالة ربنا بعتهالنا إن كلنا في نفس المأساة”.
قد يهمك ايضا:
ديمة قندلفت تتحول الى مزينة شعر للرجال .. فيديو
برسالة مؤثرة .. شيرى عادل تحتفل بعيد ميلاد والدها
