بالأبيض والأسود..دينا الشربينى تفاجئ متابعيها بصورة والدتها ,فجرت الفنانة دينا الشربينى مفاجأة لمتابعيها عبر مواقع التواصل الاجتماعى بمشاركتها صورة قديمة لوالدتها بالأبيض والأسود ,وعلقت عليها برسالة قلبية مؤثرة تزامنا مع عيد الأم.
دينا الشربينى توجه رسالة مؤثرة لوالدتها
وعلقت دينا الشربينى على الصورة قائلة:”كل سنة وانت طيبة. كل سنة وانت معانا. كل سنة وانت أجدع وأطيب وأحلى أم فى الدنيا. أنا واخواتي من غيرك ولا حاجة. صعب أوي أقدر أعبر عن الحب الجوايا ليكي. انت حبيبتي، أمي الحنينة الطيبة البتضحكنا من غير ما تقصد اللي قلبها وجعها علينا طول الوقت أنا واخواتي”.
أضافت: “عمري ما هقدر أردلك اللي عملتيه وبتعمليه علشانا. ربنا يخليكي لينا. أنا مقدرش أعيش من غيرك. بحبك يا أمي. أكيد الأنا كتبته لأمي من قلبي ده كلكم حاسينه لأمهاتكم. هما عاشوا علشانا وجه الوقت النعيش فيه علشانهم. أرجوكم عايزين عيد الأم الجاي يكونوا أمهاتنا وسطينا وربنا يا رب يخليهم لينا”.
وتابعت: “احموا نفسكم من المرض علشان تحموهم. ربنا يخلي كل الأمهات لولادهم يا رب. امهاتنا سهروا وتعبوا وعاشوا طول عمرهم علشان يحمونا ودلوقتي جه دورنا علشان نحميهم. لو سمحتوا لازم كلنا نخاف على أهالينا أكتر من نفسهم علشان هما عاشوا طول عمرهم خايفين علينا أكتر من نفسنا”.
وختمت: ” اللهم احفظ لنا امهاتنا واجعلهم أسعد خلقك يا رب العالمين. ربي أسعد أمهاتنا عدد ما ضخ قلبهما وعدد ما رمشت أعينهم وأبعد عنهما كل سوء يا الله. يا رب لا تحرمنا من أمهاتنا وأبائنا فلا يعوضنا شيء عنهم واجعل البسمة لا تفارق شفتاهم أبداً. يا رب أطل بعمر أمهاتنا وأبائنا وألبسهما ثوب الصحة والعافية ولا ترينا فيهم أي مكروه. اللهم آمين كل سنة وكل أم طيبة وكل سنة وكل شخص فقد أمه ربنا يصبره ويرحمها ويعيش ببركة دعاها”.
ونالت الصورة أكثر من 38 ألف إعجاب ,كما أجمع العديد من المتابعين فى تعليقاتهم على وجه الشبه الكبير بين بين دينا الشربينى ووالدتها .
قد يهمك ايضا:
موقف سابرينا ألبا بعد إصابة زوجها بفيروس كورونا
كورونا هيفاء وهبي تعايد والدتها بفتح
بسبب كورونا..بلقيس لـ مايادياب:الزيارات إلى منزلي ممنوعة
ياسمين عبد العزيز تثير ضجة على السوشيال ميديا والسبب..
عذراً التعليقات مغلقة