الشعر الشعبى الليبي فى وصفه للنساء

الشعر الشعبى الليبي فى وصفه للنساء

 

الشعر الشعبى الليبي فى وصفه للنساء الشعر ، والشعر الشعبى ،والشعر الليبى ، محل اهتمام بحثنا هذا .

وصورة النساء فى الشعر الليبى ، هى المحور الاساسى الذى يدور عنة هذا المقال.

ومع اختلاف لهجات العرب  تختلف مفردات اشعارهم التـى يستخدمونها من خـلال قصائدهم الشعرية الشعبية.

فتحمل لنا اشعارهم صـور حياتيـة من خلالها يستطيـع القارىْ ان يرسم انطباعاتة  عن معاناة ومكابدات وافراح وطموحات.

هذا المجتمع اوتلك لكن فى النهاية يجتمع الجميع فى  درب الاحساس والاحاسيس المرهفة .

وايمانا منا بالدور الذى تقوم بة صحيفة (الساعــة 25) فى تقديم وجبة ثقافية عربيه مختلفــة المذاق .

يسرنا ان  نقدم اليوم اطلالة سريعـة على صورة النساء فى الشعر الشعبى الليبى لمجموعة من الشعراء الشعبيين نموذجا.

على وعد ان نطوف بكم ونجول فى بستان الكلمات وازاهير الجنان العربيه المدهشه .الشعر الشعبى الليبي

اقرأ/ى أيضا:

صفحات من الشعر الشعبى الليبى (ملف)

الشعر الشعبى الليبى فى وصفه للنساء

 

من روائع وإبداعات الشاعر الكبير أشرف الزرقاني والشاعر المبدع أحمدالشكري

أبيات بعنوان نساء نجعنا والتي رسمت في عقولنا ووجداننا حياة جداتنا وامهاتنا

كما سطرت ابيات هذه الملحمة جملة من صور الابداع والتي تجسدت في ثنايا

ابياتهما .

نســــاء نجعنـــا

** نساء نجعنا ما كيفهن نسوان….نساء نجعنا كلهن حنان وطيبه

نساء نجعنا غالي دهب رنان….ونساء نجعنا ما يوم دارن عيبه

نساء نجعنا ف يوم المحك إتبان….نساء نجعنا كلهن شموخ وهيبه

نساء نجعنا ولاادة الفرسان…نساء نجعنا ولد الأجواد إتجيبه

أستر عليهن ياعظيم الشان..في كل كربه وزاد كل مصيبه

نساء نجعنا ما كيفهن نسوان…نساء نجعنا كلهن حنان وطيبة

اقرأ/ى أيضا:

ملف يضم كل شعراء العصر الجاهلي ونماذج من اشعارهم

أحمد الشكري

نساء نجعنا دون النساء في كفه..فيهن جمال الكون باين كله

نساء نجعنا راهن حشم وعفه….اسمله عليهن مالحسود اسمله

وهنا مراكب شعرنا والدفه…ومايوم يرضن ياغوالي الدله

نساء نجعنا دون النساء في كفه…هلي يفرحو بالضيف وقت الطله

نساء نجعنا

نساء نجعنا راهي اعمار البيت…ماشي عندي قدرها يوفيها

نساء نجعنا اهل الكرم والصيت ….معيار للسماحه والصفاء ناشيها

نساء نجعنا راهي ركيزة بيت…..والروح كيف اخياااالها يكفيها

نساء نجعنا ماكيفهن حبيت….وندعي المولي انشالله يحميها

 

نساء نجعنا

** نساء نجعنا ياعالكرم مبنيه…..هيا الزها كان شورها عديت

هيا الحشم والعقل والبيتيه…….هيا جمال الروح طبع وصيت

هيا الوفاء تعرف اصول الغيه…..هيا الحياة كان طرفها راعيت

نساء نجعنا مايوم دارن سيئه….. هيا الدواء كان جرحها داويت

نساء نجعنا ياعالكرم مبنيه…..هيا الزها كان شورها عديت

نساء نجعنا

** نساء نجعنا ياناس يامجملها….. وهيا غلا مكتوب بيه اشعاري

فراسين كي بوها وكيف ولدها….وغيرهن حرام الصوب يدخل داري

جوارح سماحة صيت مانفقدها…..ياطيف واخد عقلنا بافكاري

نساء نجعنا هيا اللي رايدها…..ويزيد نبض القلب باستمراري

نساء نجعنا فرج الله كربها…..وهنا قمر مالك فسيح مداري

نساء نجعنا

** نساء نجعنا كيف القمر علالي….ومنوع غيرك بالغلا يغريني

نساء نجعنا ياعزوتي ودلالي….ياحلم زاهي ف المنام ايجيني

طالب الله اتصير تبقي حلالي…وتفيض المشاعر كلها بحنيني

نساء نجعنا كيف القمر علالي…ياعشق مالك عمرنا واسنيني

نساء نجعنا

---

أسير النجع

** نساء نجعنا يا ناس حشمه وعفه … ونساء نجعنا ماهنش كدابات

تقرب عليهن بالغلا تدفه …. ونساء نجعنا ماهنش خوانات

نساء نجعنا الماس…. نساء نجعنا ضاوي قمر وناس

نساء نجعنا إحساس….ونساء نجعنا بالحب مليانات

ومهمش كدابات…ومهمش خوانات

نساء نجعنا

** نساء نجعنا يا في العيون كبار ….ف عيوني وعيونك وفي عيون الكُل

نساء نجعنا عزه ومجد وافخار ….وما يوم عنها ف الحديث أنمل

نساء نجعنا تحفظ أتصون الدار …..وعرق المحبه في القلوب إيضل

نساء نجعنا أمجاد ….لمه جميله وهدرزا ومعياد

وشاهي علي البراد…..وتستاهلي مني عقود الفل

نساء نجعنا ما يوم عنها ف الحديث أنمل

نساء نجعنا

** نساء نجعنا يأم الحنان الدافي ….نساء نجعنا يأم الدبالج فضه

نساء نجعنا يا لوعتي وأريافي….إن ماريتها عندي الحياة مكتضه

نساء نجعنا يا زينهن….المرود مكحل عينهن

نساء نجعنا إتبع أن جاء في دينهن

والنفس العزيزه ما تروم الجافي

نساء نجعنا يا أم الحنان الدافي

نساء نجعنا

** نساء نجعنا يا أم الرحي والرقعه… نساء نجعنا والنار بالقجرود

وبازينهن محطوط فسط القصعه ….. والجود راهو عندهن موجود

نساء نجعنا طيابه …. نساء نجعنا لي ضيوفها شرهابه

نساء نجعنا جيابه … وكيف القماش نظيف ما في بقعه

نساء نجعنا يا أم الرحي والرقعه

نساء نجعنا

** نساء نجعنا يا أم الحطب والصيت…نساء نجعنا يا وارده ع البير

إنتي الركيزة ويا رواق البيت….نساء نجعنا تنحب من الاخير

نساء نجعنا فزاعه …نساء نجعنا ماهيش من التباعه

نساء نجعنا إن غبت حتي ساعه …تنشد عليك تقولك صحيت

نساء نجعنا يا أم الحطب والصيت

نساء نجعنا

** نساء نجعنا ما يوم عنها إنهون … ولا يوم عندي إتهون حتى هيا

نساء نجعنا ما يوم ترضى أتخون … وتُحفظ غلانا بعزْ ما دابيـا

نساء نجعنا قدري وفاها إتصون … والقدر عندي وعندها غيرية

نساء نجعنا ع الكذب ما تبنيش…نساء نجعنا مُحال ما توفيش

إن فارقتها ما يوم لحظة إتعيش…بو حُضن دافي بو قليب حنون

نساء نجعنا ما يوم عنها إنهون

الشعر الشعبى الليبي

نساء نجعنا

** نساء نجعنا ما تملْ من قعدتها … ورحاتها تهاجي عقاب الليل

نساء نجعنا ما تملْ من لمتها …نساء نجعنا للحايرين دليل

وتسمع غناوي وطرب في مهاجتها…ومرات تسمعلك غنا بوطويل

ملتميين حتى أخواتها وجارتها … وتُبقص كما في الليل نجم سهيل

نساء نجعنا أعراس…نساء نجعنا خٌلخال طق مقاس

وشنبير فضة مرتمى ع الراس… وحنة جميلة صابغة محلتــها

نساء نجعنا ما تملْ من قعدتها

نساء نجعنا

** نساء نجعنا يا أم الكلام الزين… وين ما تجيها بطلتك شرهابة

نساء نجعنا يا نور فوق جبين… هابا عليكن هابتين وهابـــة

نساء نجعنا يا معصدة البازين … وتوليعها في النار والحطابة

وعبروق تنقش فيه ليه عامين…نساء نجعنا علي خيرها تزابة

نساء نجعنا ميعادْ…نساء نجعنا شاهي مع البرادْ

نساء نجعنا وهي نجمها وقادْ…صلاة دايمة لا تاخدوها بعين

نساء نجعنا يا أم الكلام الزين

نساء نجعنا

الشعر الشعبى الليبي

اقرأ/ى أيضا:

ننشر الديوان الكامل (عيونك سكة الفقرا) للشاعر محمود الطويل

———————

 صلاح الشريف

 

ديما عليك انخاف

من عين الحسود ياسمح لاوصاف

الله يحفظك ديمـا عليك انخــاف

 

خايف عليك مالناس

غالي عليِّ خايف يصيبك باس

من طيبتك وقلبك رهيف حساس

ونيتك معـاهم صافيات انظاف

خايف عليك من شرها تحتاس

ومنها مواجع يضعافن اضعاف

ديما عليك انخاف

خايف اتجيك مضره

عين الحسـود تنظرك شي مره

حتى وهن يضـاحكن من بـره

ودودات يزهن معاك بالخراف

ماملي اعيـون الغـاليين اتضره

ونا من غـواليك عليك انخـاف

ديما عليك انخاف

من عين الحسود ياسمح لاوصاف

الله يحفظك ديمـا عليك انخـاف

 

————————————–

 

 

من نسيج خيال الشاعرع.الزنتاني

 

أشقى بغيري … عليي شد شرك وانا نشده خيري

ولا تقولي يا حبي … ولا تقولي نحبك ويشهد ربي

قلبي قتلته خلاااااااص معادش نبي … العيشه معاك اكرهت أشقى بغيري

ولا تبكيلي … ولا تتصل بيا ولا تحكيلي

يا كبرها الفضيحه! … نسهر نراجي وأنت مع صاليحه !

بدلتني بالفاسده .. ونصيحه … تقرب الحوش راهو تجيك طريحه

لا عاد تشقى بي دوررر غيري

الخطاب دقوا الباب دور غيري

 

غوش_المسامي

————————-

يارسام ارسمها باهي **وضح ماتخرب رسمتها
هذي نور اعيوني راهي **والدنيا بالحيل ملتها

بيها طول زماني زاهي **نصين اكبيدتي قسمتها
ماينهاني عنها ناهي **خلوني انهيم افحضرتها

بيها ديما ديما ﻻهي **مسمحها ومحﻻ بسمتها
يحفظها منها الدواهي **موﻻنا ايجيب سﻻمتها

كيف السكر وسط الشاهي **عندي في الدنيا طعمتها

الشعر الشعبى الليبي

 المصدر: الساعة 25:

اقرأ/ى أيضا:

صفحات من التراث التونسى ” شعر شعبى .حكايات .أمثال ” ملف