تسجيل الدخول

الى القلب الذى ملك قلبى  ” رسالة غرام”

البسطجيمميزة
الشاعر ع26 يناير 2020آخر تحديث : منذ 4 أشهر
الى القلب الذى ملك قلبى  ” رسالة غرام”

الى القلب الذى ملك قلبى  ” رسالة غرام” الى القلب الذى ملك قلبى ، واصبح انفاسى ونبضى ، للبنت اللى بحبها موت ، ولا قدرت الايام تاخدنى منها ، وبعد السنين وطولها جابتنى ليها ، اليها العاقلة الراجحة الحكيمة ، الجميلة الخبيرة الواعيى ، اقف على منصة العشاق فى عيد الاندهاش كى اعلن لكم انى احببت السندسة المتسندسة من جنان الروح الى فيض الربيع المكنون بالسحر والضياء والبدر الكامل فى طلعة حبيبتى البهية .

فدعةنى احدثكم عن تلك المحبوبة الابدية التى ملكتنى وامتلكت زمام نبضاتى فاصبحت حبها حبا جما جكا ، ليس ككل حب ، انه حب لم يمر على دروب المحبين من قبل ، حب جديد ومختلف حب نقى حب خام لو تم توزيعه على باحر الكون كله لجعلها تفيض بالمحبة والجمال والسلام ، فارسل الى قلب حبيبتى سلام .

وشفت الفرحة ف عيونك

جناين شوق

وبدعى ربنا يصونك

حبيبتى الذوق

نسايم حب داخلانى

بشاير عشق واخدانى

ربيع من ورد بحر يروق

يروق البحر وياك

يغنى السحر ف رضاكى

اموت وانا قلبى يهواك

واعيش طول الحياة معشوق

وعاشق قلبك الطيب

ودايما فى الحما قريب

حماك الرب ياحبًيب

وفجرك جانى كله شروق

احبك والهوى بيدق

واحبك والنسيم بيرق

واحبك كل لحظة واشق

دروب الحب من غير طوق

هواك النادى بيراضى

قليبى الحالم الهادى

وحبك والله مش عادى

ونفسى اعيش تانى وادوق

طعامة الحب من اصله

ونبع الصدق من واصله

هاعدى الدرب واواصله

وحبك بالشراع مشدود

اليه ارحل واعدى واعود

ولاطيفك يفارقنى

ولايوم يبعدك عنى

انا منك ايامنى

ياقلبك فى حنانه ودود

ياعشقك فى جنانه بارود

ياوجدك بالعسل ممدود

اهيم بين الجداول عمر

واطوف بين الجناين عمر

بيامرنى الحنان بالامر

وتفاحه عسل ف خدود

وافراحه ماليها حدود

انادى رحلة الايام

واقول للفرحة تيجى قوام

على نيل المحبة سلام

سلام على حبنا الموعود

قصيدتى اليك هل تقبليها وتعتبريها هدية حبنا ، لو املك ان احضر لك الجنه لتسكنى فيها ساحضرها ، لكن كيف وانت جنتى ف الارض غاليتى وبحارى وانهارى وتلالى وبساتينى ونظرة واحدة فى عيونك الجميلات تساوى عندى الكون بما فيه

 

رابط مختصر

عذراً التعليقات مغلقة