المسحراتى الحلقة 23 العربان

المسحراتى الحلقة 23 العربان

شعر: محمد عبد القوى حسن

 

 على العربان انا بمسى

وقوم مسيلى على العربان

حياتى دى فدى الاوطان

نسيمى ف نصرة الانسان

عيونى لطفل فى الملجأ

وقلبى وروحى فى الجولان

بلادى المستباح عرضها

حدودى  المستهان ملكها

وقدسى وحرمى بات متهان

فقوم مسيلى ع العربان

وهات لى قارى كف كمان

يفسر لى معانى الغربة فى الاوطان

معانى لدمنا المسفوك

على يد صهيونى  جبان

وتحت حراسة امريكان

فقوم مسيلى على العربان

 

انا عربى

لا شط لا مرسى ف عنيا

تضيع قراراتى من ايديا

ابص بخوف حواليا

ما الاقى لا اهلى ولا ناسى

ولا حتى  الاقى جيران

اضيع ف ثوان

مع بركان

فقوم مسيلى على العربان

كمان صبح لى على غزة

ودير ياسين

وصبح ع القضية كمان

وصبح بكرة ع القمة

وبعدة مسى على ايران

وسلم على الخواجة ترامب

وبوس لى كوهين والنتن ياهو كمان

 

رتوش مهزوزة ف الشاشة

ضلوع للشهداء منحاشة

بطون لاطفالنا محتاجة

وجوعى  واحنا فى رمضان

عطاشا دهاشا فى التعذيب

تضيع بين قبضة السجان

فقوم مسيلى على العربان

المسحراتى الحلقة 23 العربان

ياروح الثورة ف قلوبنا

ياعشق اوطانا ف ضلوعنا

ياروح الروح ف مسموعنا

فراديس المحبه جنان

ماعمر ف يوم  راج نخضع

مهما كان الالم يوجع

اذا تدوسنى انا برفع

واذا ترفعنى ما يوم ادمع

واذا تسجنى تهيم روحى

واسبح ربى بجروحى

واهيم فى جنة الرحمن

تعيش الثورة ف قلوبنا

تعيش مبادئها ف دروبنا

ويسقط كل خائن خان

ويسقط كل خائن خان

لاتنسى تمسى على العربان

المسحراتى الحلقة 23 العربان

قد يعجبك أيضا:

المسحراتي الحلقة 21.. اول ما اقول الله

قصة فانوس رمضان

صورة المسحراتي فى مختلف الدول العربية والاسلامية

الساعة 25

 

 

تنويه هام 
الآراء المنشورة في الموقع تعبر عن آراء أصحابها ولا تعبر بالضرورة عن رأي أو توجه الموقع، كما أن الموقع يعمل على تقديم خدمة إخبارية متكاملة للقراء معتمدا على ما يتم تداوله في المواقع والصحف ووكالات الأنباء العربية والعالمية، وبذلك لا يتحمل الموقع أية مسؤولية جراء ما ينقل عن تلك المصادر.
t>