المسحراتى الحلقة 18 عيونك مركبين ع النيل

المسحراتى الحلقة 18 عيونك مركبين ع النيلعيونك مركبين ع النيل

 

عيونك مركبين ع النيل

شعر / محمد عبد القوى حسن

تعالى نضفر المواويل
ونرسم للهوى ذكرى
سنينك بنت عم الويل
بتكتب للزمان فكره
ولايغرك راكبين الخيل
ماليهم اصل دول نكره
وفكى قيد وعزم الخيل
ولا تستنى قدوم بكره
تعالى فى النهار والليل
وبصى بعينك القادره
وشوفى من طواه السيل
ومن مش لاقى ولا ستره
ومن باع الضمير بقليل
ومن ربط بطنه بالحجره
وميلى ناحية التحرير
تنبت ف العدم قدره
تهد اللى بناه تضليل
وتزرع مليونين شجره
عيونك مركبين ع النيل
وشط امان على الخضره
عيونك سحر ماله مثيل
ولا كانت عيون فاجره
وغزى بسهمك المساطيل
يفوقوا ويلغوا ف مبادره
تعود لو طالت المشاوير
تهب علينا ف الصحره
تعالى نحقق المقادير
وننسى سنينك الغابره
ونغسل وش صبح جميل
ياطالعه فى الضحى مسافره
وقمحك فى بطون الغير
كروشهم تتملى وكافره
ويؤمن بك ف غيطه اجير
صبيه ابيه ومعافره
تعالى ومش مهم ندير
مكن لبطون عيون غافره
ف وجودك نبقى مثل الطير
شبعنا ف ريحتك العطره

اقرأ/ى أيضا:

المسحراتي الحلقة 16 القضية

المسحراتي الحلقة 14 من بغداد

الساعة 25